VEME é unha pequena editora independente dedicada, polo de agora, á aoutoedición.
Queres saber máis?
Cóntoche:
Camiñaba o ano 2015, eu era unha muller nova e inexperta nisto da edición, iso si, sobrada de enerxía e ilusión. Ademais diso, andaba moi ben acompañada por familia e amizades xenerosas de creatividade e folgos para os momentos de debilidade.
Como che dicía, era o 2015 e eu encamiñábame a publicar o meu primeiro libro: UNHA VIAXE DE RUMINANTES, naquel momento non podía imaxinar que, case 10 anos despois estaría sacando á luz o meu primeiro selo editorial: VERME editora.
Entre medias naceu a colección OBXECTIVO ALAMBIQUE que pretende promover o amor pola nosa lingua, o respecto pola natureza e procura traer consigo unha valiosa aprendizaxe emocional. É unha colección nova que conta, polo de agora con dous títulos publicados. En primeiro lugar temos a: LAIA (2018), ilustrado cunha sensibilidade única por Leandro Lamas que trae unha historia de aceptación, amizade, aprendizaxe e autodescubrimento.
O segundo título da colección non é outro que: CARACOL, CARA DE COL(2023), ilustrado de xeito alegre e divertido por Tania Solla, este caracoliño e os demais bechos da historia tráenos un relato de autoaceptación, autoconcepto, recoñecemeto e amizade. Ámbolos dous contos foron maquetados maxistralmente polo deseñador gráfico, Martinho Picallo.
No 2025, co gallo dos 10 anos saíu a 3ª edición de Unha Viaxe de Ruminante cun aspecto totalmente renovado contando con novas pequenas ilustracións, xogos textuais e un par de poemas novos.
Xunto con el nacía a colección LUME MANSO de poesía completada por O FAIADO DAS PAPOULAS, libro de poesía intimista mais con carácter reivindicativo e social, con ilustracións de Paula Pereira (Cavalinho do demo) que pronto se converteu nun espectáculo poético musical coa marabillosa aprotación da música: Marina Vidal.
A día de hoxe, cando penso no que levo feito e sobre todo, en tódolos proxectos que están por vir e nos que xa están de camiño, síntome moi orgullosa de ter tomado a decisión de crear este selo.
Este é un paraugas baixo o que acoller a tódolos proxectos xa creados e a tódolos seguintes, pois sinto que, en esencia todos falan do mesmo, de VERME a min por dentro, de que me poidas ver ti e verte tamén; mais tamén fala de ser un VERME que percorre o chan, medra a varios palmos do solo ascendendo ata que que logo lle chegue a hora de se transformar en bolboreta para conquistar o aire; ou ser un VERME carpinteiro que alumea os camiños nas noites máis escuras.
Todo canto arrodea a esta palabra inspírame e resóame, por iso, a damajuana que recolla e conteña o elixir do meu alambique debe chamarse VERME editora.
Ogallá queiras formar parte,
ogallá queiras verme-lerme.
GRAZAS POR ESTAR AQUÍ!
Agárdote nas páxinas dalgún libro de VERME!
Baia Fernández De La Torre
Novidades
O FAIADO DAS PAPOULAS, poesía e música
xa está dispoñible no catálogo CULTUREA da Deputación de Pontevedra!
O faiado das papoulas é un recital de poesía con acompañamento musical baseado no poemario homónimo. Unha proposta escénica íntima e ao mesmo tempo colectiva, pensada para converter o escenario nun espazo de memoria: un faiado.
Ábrese así un espazo de reflexión sobre realidades moi presentes na sociedade, como os micromachismos, as violencias silenciadas, os abusos e as relacións familiares, e cun/ha mesmo/a, abordadas dende a sensibilidade e a forza da palabra poética que se converte no fío condutor desta viaxe.
As intervencións musicais intercálanse e superpóñense aos textos, creando unha atmosfera envolvente e de inmersión con unha duración aproximada duns 50/60 minutos.
Con esta posta en escena coidada e suxestiva, O faiado das papoulas é un espectáculo cultural apto para todas as idades dende a adolescencia. Ademais de para público xeral é perfecto para programación en institutos, onde pode ir acompañada dun obradoiro práctico onde profundizar nas aprendizaxes que traen os textos fomentando unha ollada crítica e reflexiva na xuventude.
O espectáculo convida a mirar, entender e nomear para poder sandar e conectarse coa comprensión, a aprendizaxe e a beleza.
VERME editora acompañando aprendizaxes.
Se es profe, terapeuta ou acompañas a crianzas, queda a escoitar!
Nesta sesión expoño ensinanzas que podemos traballar a través do conto CARACOL, CARA DE COL de verme editora. Algunhas coma o amor e o respecto pola natureza, promover o idioma ou asentar valores coma a amizade, o respecto, a autoestima, a loita contra o acoso ou mesmo a atención á diversidade.
Unha análise ampla con exemplos de dinámicas para levar a cabo en distintas idades.
Agardo que che sexa de utilidade!
Última publicación
Un libro de poesía intimista que abre xanelas a memorias da linaxe feminina. Este libro é como sandar con palabras cada doenza profunda.
Aínda sendo intimista, esta obra non deixa de ter un carácter reivindicativo e mesmo social, unha especie de catarse que desemboca nun lugar de calma onde se fai presente a beleza, o acubillo amoroso e a comprensión profunda.
O Faiado Das Papoulas é un libro de poesía libre, en tódolos seus aspectos.
Libre á hora de compoñer a estructura dos textos así como á de escoller, intuitivamente, cada unha das palabras que o forman.
Liberdade tiven eu, a autora das letras, e tamén foi así para a ilustradora e o deseñador, aos que enseguida vos presentarei.
Teño que recoñecer que este último, o meu ben querido Martinho Picallo Fontes (Luscofusco), estivo un chisco máis condicionado pois debía partir dunha premisa, unha necesidade miña:
"necesito aire, limpeza, pensa que denso xa é o que conto, preciso branco para poder soster o relato."
E así o fixo, coma sempre escoitou as miñas palabras, o meu sentir e, a partir desta indicación puxo en marcha a súa xenerosa creatividade para facer deste faiado un lugar no que querer quedarse a vivir.
Outras publicacións
Unha viaxe de ruminantesPoesía
Unha miscelánea de poemas, relatos curtos e aforismos que te levan a unha viaxe interior onde hai medo, aceptación, reflexión, ledicia e, sobre todo, moito amor.
O poema "Engano" foi finalista no certame Ari(t)mar 2016.
LAIAConto ilustrado
Unha historia onde atoparás amizade, perdas, resiliencia, autoestima e moita alegría. Un percorrido pola natureza que nos trae, tamén, fermosas metáforas.
CARACOL, CARA DE COLConto ilustrado
Esta vez trátase de unha aventura na horta, mentres estes simpáticos bechos descobren os perigos fóra do invernadoiro aprenden unha valiosa lección sobre a aceptación e o recoñecemento do valor propio.
O FAIADO DAS PAPOULASLibro poesía
Un libro de poesía intimista que abre xanelas a memorias da linaxe feminina. Este libro é como sandar con palabras cada doenza profunda.
Aínda sendo intimista, esta obra non deixa de ter un carácter reivindicativo e mesmo social, unha especie de catarse que desemboca nun lugar de calma onde se fai presente a beleza, o acubillo amoroso e a comprensión plena.