O FAIADO DAS PAPOULAS, poesía e música

xa está dispoñible no catálogo CULTUREA da Deputación de Pontevedra!

O faiado das papoulas é un recital de poesía con acompañamento musical baseado no poemario homónimo. Unha proposta escénica íntima e ao mesmo tempo colectiva, pensada para converter o escenario nun espazo de memoria: un faiado.

Ábrese así un espazo de reflexión sobre realidades moi presentes na sociedade, como os micromachismos, as violencias silenciadas, os abusos e as relacións familiares, e cun/ha mesmo/a, abordadas dende a sensibilidade e a forza da palabra poética.

O espectáculo convida a mirar, entender e nomear para poder sandar e conectarse coa comprensión, a aprendizaxe e a beleza. 

NOVIDADE

Movemento Enerxético · Reset Corporal e Emocional · Activación Vital

Entrar no corpo.
Mover a enerxía.
Activar a vida.

Un espazo de movemento consciente para reconectar co corpo, liberar tensións, favorecer o equilibrio emocional e recuperar vitalidade.

[Coñece MOV-EN]

QUE É MOV-EN?

Un movemento cara dentro

MOV-EN nace da unión de movemento e enerxía, e tamén da idea de entrar: entrar no corpo, entrar no presente e entrar en contacto co que está a acontecer dentro de nós.

A través do movemento consciente e de diferentes propostas corporais e emocionais, creamos un espazo para sentir, expresar, liberar e activar.

Non buscamos un corpo perfecto nin un determinado rendemento físico. Buscamos máis presenza, conexión e vitalidade.

QUE PROPÓN?

Movemento Enerxético

Poñer o corpo en movemento para favorecer a circulación da enerxía, a presenza corporal e a sensación de vitalidade.

Reset Corporal e Emocional

Unha pausa para descargar tensións, tomar conciencia do que estamos sentindo e facilitar,se fose preciso, un cambio de estado.

Activación Vital

Recuperar impulso, presenza e conexión cos propios recursos para afrontar o día a día desde outro lugar.

COMO O FACEMOS?

As sesións combinan movemento, conciencia corporal, respiración, expresión e dinámicas de conexión emocional, adaptándose ás necesidades e ao ritmo das persoas participantes.

Cada proposta é unha oportunidade para escoitar o corpo, experimentar e descubrir novas formas de estar nel.

PARA QUEN?

Para persoas que:

• Senten que necesitan parar e reconectar consigo mesmas.
• Acumulan tensión física ou emocional.
• Queren incorporar máis movemento e presenza á súa vida.
• Buscan recuperar vitalidade e enerxía.
• Queren explorar o corpo como vía de autocoñecemento.

UNHA IDEA QUE O RESUME

MOV-EN non é só moverse.
É entrar no corpo, escoitar, liberar, transformar e volver activar a propia vitalidade.

Sesións de proba gratuitas:

Xoves día 1 de 20:30 a 21:30

Venres día 2 de 11:45 a 12:45 

MOV-EN

Entrar no corpo · Mover a enerxía · Activar a vida

Hai tempo que tiña ganas de retomar esta actividade que tan ben nos facía a quen a practicabamos semanalmente. 

A primeira clase é gratuita.

Ven experimentar a REM!

E ademais...

SESIÓN ENERXÉTICA

AXENDA ABERTA 2026 

Xa podes adquirir a 3ª edición de "UNHA VIAXE DE RUMINANTES" 

Co gallo dos 10 anos saída deste poemario, traio unha nova edición sumamente coidada, con tipografías creadas ex profeso para esta peza por Martinho Picallo Fontes e que conta con dous poemas novos. 

Compre lembrar que o poema "ENGANO" foi 1º finalista no Certame aRi(t)mar 2016 da EOI de Santiago de Compostela.

Ademais das ilustracións que xa formaban parte do libro, obra de Xandre Fernández De La Torre, esta versión conta con pequenos debuxos e xogos textuais realizados por Martinho Picallo Fontes. 

Un libro de poesía intimista que abre xanelas a memorias da linaxe feminina. Este libro é como sandar con palabras cada doenza profunda.

Aínda sendo intimista, esta obra non deixa de ter un carácter reivindicativo e mesmo social, unha especie de catarse que desemboca nun lugar de calma onde se fai presente a beleza, o acubillo amoroso e a comprensión profunda.

Se queres saber máis preme o botón.